झापा, आगामी प्रतिनिधिसभा निर्वाचनका लागि राष्ट्रिय स्वतन्त्र पार्टी (रास्वपा)ले झापा जिल्लाका पाँचवटै निर्वाचन क्षेत्रका लागि आफ्ना उम्मेदवारहरूको नाम टुङ्गो लगाएको छ।
पार्टीको पछिल्लो निर्णयअनुसार जिल्लाका प्रभावशाली क्षेत्रहरूमा रास्वपाले अनुभवी तथा युवा अनुहारहरूलाई चुनावी मैदानमा उतार्ने भएको हो।
रास्वपाले झापा क्षेत्र नम्बर १ बाट निशा डाँगीलाई उम्मेदवार बनाउने निर्णय गरेको छ। त्यस्तै, क्षेत्र नम्बर २ मा पूर्व उपसभामुख समेत रहेकी इन्दिरा रानामगरले उम्मेदवारी दिने निश्चित भएको छ।
क्षेत्र नम्बर ३ बाट प्रकाश पाठक र क्षेत्र नम्बर ४ बाट शम्भु ढकाल ९सुस्केरा०ले रास्वपाको घण्टी चुनाव चिन्ह लिएर प्रतिस्पर्धा गर्नेछन्।
सबैभन्दा बढी चर्चामा रहेको झापा क्षेत्र नम्बर ५ मा भने काठमाडौं महानगरपालिकाका पूर्व प्रमुख बालेन्द्र शाह (बालेन)ले उम्मेदवारी दिने तय भएको छ।
नेकपा एमालेका अध्यक्ष केपी शर्मा ओलीको निर्वाचन क्षेत्र मानिने झापा ५ मा बालेनको उम्मेदवारीलाई राजनीतिक वृत्तमा निकै चासोका साथ हेरिएको छ।
काठमाडौंको मेयर पदबाट राजीनामा दिएर रास्वपामा आबद्ध भएका बालेन र एमाले अध्यक्ष ओलीबीचको प्रतिस्पर्धा यसपटकको निर्वाचनको मुख्य आकर्षण हुने देखिएको छ।
