आज विविध कार्यक्रमकाे आयोजना गरी महावीर जैनको २६२५औँ जन्मजयन्ती मनाइँदै छ । सत्य, अहिंसा, अपरिग्रह, अस्तेय र ब्रह्मचर्यको सन्देश बाँडेका जैनको देशभर विभिन्न कार्यक्रम आयोजना गरी जन्मजयन्ती मनाउन लागिएकाे हाे ।
इसापूर्व ५९९ मा चैत्र शुक्ल त्रयोदशीका दिन भारतको वैशाली नजिकैको ‘कुण्डलग्राम’ नामक गाउँमा राजा सिद्धार्थ र रानी त्रिशूलाकाे काेखमा जन्म लिएका उनले राजपरिवारमा जन्मिए पनि शान्तिको खोजीका लागि महावीर जैन तपस्यामा निस्किएको विभिन्न जैन ग्रन्थमा उल्लेख गरिएको छ ।
झण्डै १२ वर्ष लामाे तपस्या गरेपछि उनले मानव समुदायलाई जैन दर्शन बाँडेकाे उल्लेख गरिएकाे छ । नेपाल जैन परिषद्का अध्यक्ष सुशीलकुमार जैन शास्त्रीय मान्यताअनुसार २४ वटा तीर्थङ्कर जैन छन् । धर्मको बाटो देखाउने भएकाले तीर्थङ्कर नाम दिइएको हो ।
महावीर जैनले अहिंसा, सत्य र आफूलाई चाहिनेभन्दा बढी सङ्ग्रह नगर्ने सन्देश दिएका थिए । अरुलाई दुःख दिनु पनि हिंसा भएकाले अरुको उपकार गर्नु नै अहिंसा हुने महावीरको विचार छ भने उनको उत्तर अध्याय सूत्र कृति चर्चित रहेकाे छ । महावीरको जन्मजयन्तीका अवसरमा नेपाल जैन परिषद्लगायत विभिन्न संघ संस्थाले कार्यक्रम आयोजना गरी यो दिवस मनाउने तयारी गरेका छन् ।
