संघीय संसद्को दुवै सदनको अधिवेशन चैत १९ गते

आगमी चैत १९ गतेका लागि संघीय संसद्का दुवै सदनको अधिवेशन आह्वान गरिएकाे छ । राष्ट्रपति रामचन्द्र पौडेलले चैत १९ गते दिउँसो २ बजे बस्ने गरि दुवै सदनको अधिवेशन आह्वान गरेका हुन् ।

राष्ट्रपति पौडेलले नेपालको संविधानको धारा ९३ को उपधारा (१) बमोजिम अधिवेशन आह्वान गरेका हुन् । अधिवेशन संघीय संसद् भवन सिंहदारबारमा दिउँसो २ बजे बस्ने गरि आह्वान गरिएकाे छ ।

मन्त्रिपरिषद्को चैत १६ गते बसेको बैठकले संघीय संसद् अधिवेशन आह्वानका लागि राष्ट्रपति पौडेलसमक्ष सिफारिस गर्ने निर्णय गरे अनुसार मन्त्रिपरिषद्को सिफारिसकाे आधारमा राष्ट्रपति पौडेलले अधिवेशन आह्वान गरेका हुन् ।