कम्बोडियामा पुर्याएर अवैध काममा लगाइएका ७ नेपालीकाे उद्धार गरिएको छ । अवैधरूपमा अनलाइन ठगी र क्यासिनोमा काम गर्न बाध्य पारिएका ७ नेपालीलाई थाइल्याण्डको बैंककस्थित नेपाली राजदूतावासको पहल र कम्बोडिया सरकारको सहयोगमा उद्धार गरिएको हाे ।
अवैधरूपमा काम गर्न बाध्य पारिएका उनीहरुलाई आज काठमाडाैँकाे त्रिभूवन अन्तराष्ट्रिय विमानस्थलमा अवतरण गर्नेगरी फर्काइएको हो । दलालको फन्दामा परेर कम्बोडिया पुगेका उनीहरूलाई त्यहाँ अवैध रूपमा सञ्चालित अनलाइन स्क्यामिङ केन्द्र तथा क्यासिनोहरूमा गैरकानूनी रुपमा काममा लगाइएको थियो ।
अहिले भिजिट भिसामा कम्बोडिया पुग्ने नेपालीको संख्या अस्वाभाविक रूपमा बढ्दै गएकाे छ भने दूतावासले अलपत्र परेका वा कठिन परिस्थितिमा रहेका अन्य नेपालीलाई पनि स्वदेश फर्काउने पहल निरन्तर जारी राखेकाे बताइएकाे छ ।
भिजिट भिसामा गएर मानव तस्करको जालमा पर्ने क्रम बढेपछि दूतावासले चेतावनी जारी गर्दै सरकारले तोकेको मापदण्डबमोजिम श्रम स्वीकृति लिएर मात्र वैदेशिक रोजगारीमा जान दूतावासले सचेत गराएकाे छ ।
