सरकारले राजनीतिक कोटामा नियुक्त ६ देशका राजदूतलाई फिर्ता बाेलाउने निर्णय गरेको छ । मन्त्रिपरिषद्काे बैठकले निर्णय गरे अनुसार राजनीतिक कोटामा नियुक्त भएका उनिहरुलाई परराष्ट्र मन्त्रालयले चिठी लेखेर फिर्ता बोलाउने निर्णय भएको जानकारी गराएको हाे ।
केपी ओली नेतृत्वको तत्कालीन सरकारले राजनीतिक कोटामा नियुक्त गरेकाे राजदूतहरुमा भारतका लागि डाक्टर शंकरप्रसाद शर्मा, अस्ट्रेलियाका लागि चित्रलेखा यादव, श्रीलंकाका लागि डाक्टर पूर्णबहादुर नेपाली, दक्षिण कोरियाका लागि डाक्टर शिवमाया तुम्बाहाङ्फे, डेनमार्कका लागि सुम्निमा तुलाधर र दक्षिण अफ्रिकाका लागि कपिल श्रेष्ठ रहेका छन् ।
केपी ओली नेतृत्वको तत्कालीन सरकारले राजनीतिक भागबण्डाका आधारमा नियुक्त गरिएकाे उनिहरुलाई एक महिनाभित्र फिर्ता हुन भनिएको छ । यसअघि गत असोज ३० गते सुशीला कार्कीको नेतृत्वकाे सरकारले राजनीतिक कोटामा नियुक्त ११ देशमा कार्यरत राजदूतहरुलाई एकसाथ फिर्ता बोलाएको थियो ।
