काठमाडाैँकाे कीर्तिपुरस्थित टियु मैदानमा आज नेपालले यूएईसँग पहिलो खेल खेल्दैछ । साँझ ५ बजेबाट सुरु हुने टी–२०आई सिरिजअन्तर्गतकाे खेलमा नेपालले यूएईसँग प्रतिस्पर्धा गर्न लागेकाे हाे ।
आजकाे खेलमा नेपाली टोलीको कप्तानी दीपेन्द्र सिंह ऐरीले गर्नेछन् । नेपाली टोलीहरूमा दीपेन्द्र सिंह ऐरी (कप्तान), कुशल भुर्तेल, कुशल मल्ल, सन्दीप जोरा, आरिफ शेख, बसिर अहमद, गुलशन झा, लोकेस बम, सन्दीप लामिछाने, नन्दन यादव, सन्तोष यादव, अर्जुन साउद, हेमन्त धामी, साहब आलम, शेर मल्ल रहनेछन् ।
नेपालले कीर्तिपुरस्थित टियु मैदानकाे फ्लडलाइटमा पहिलोपटक अन्तर्राष्ट्रिय खेल खेल्न लागेको हो । दुई वर्षपछि घरेलु मैदानमा अन्तर्राष्ट्रिय खेल खेल्न लागेको नेपालका लागि याे खेल ऐतिहासिक क्षण हुनेछ ।
नेपाल र यूएई चीर परिचित प्रतिद्वन्द्वी हुन् भने टी–२०आईमा दुई टोलीबीच ११ खेल हुँदा नेपालले ६ खेल जितेकाे छ भने यूएईले ५ खेल जितेको छ । यसअघि कीर्तिपुरमा एकमात्र खेल हुँदा उक्त खेल यूएईले जितेको थियो ।
