आज त्रिवि अन्तर्राष्ट्रिय क्रिकेट रंगशालामा नेपाल र यूएईबीच प्रतिस्पर्धा हुँदैछ । अहिले साढे ९ बजे नेपाल र यूएईबीच सिरिजको तेस्रो खेल हुन लागेकाे हाे ।
क्रिकेट विश्वकप लिग–२ को अंकतालिकामा पुछारमा रहेका नेपालले यूएईसँग खेल्न लागेको हो भने गत शनिबार नेपालले युएईलाई ३७ रनले पराजित गरेको थियो । यसअघि नेपाल ओमानसँग १०२ रनको फराकिलो अन्तरले पराजित हुँदा युएईले भने ओमानलाई २५ रनले हराउँदै २ अंक बटुलेको छ ।
लिग २ को शीर्ष चार टोली सोझै विश्वकप छनोटमा पुग्ने प्रावधान रहेकाे छ । नेपाल र यूएई दुवै टोलीका लागि यो सम्भावना टाढा भएपनि आशा मरिसकेको छैन । आठ राष्ट्र सहभागी लिग २ मा नेपाल २२ खेलमा १४ अंकसहित सातौं स्थानमा छ भने यूएईको २२ खेलबाट १२ अंकमात्र रहेकाे छ ।
त्यसैगरि अमेरिका २४ खेलमा ३६, स्कटल्यान्ड २८ खेलमा ३४, ओमान २५ खेलमा २९, नेदरल्यान्ड्स २४ खेलमा २८, नामिबिया २८ खेलमा २२ र क्यानडा २४ खेलमा २१ अंक जोड्दै शीर्ष ६ स्थानमा रहेका छन् ।
यसअघि अघिल्लो चरणको लिग २ मा नेपाल ४० अंकका साथ तेस्रो स्थानमा रहेर विश्वकप ग्लोबल छनोटका लागि छानिएको थियो ।
