पूर्वपतिबाट पाएको सम्पत्ति फिर्ता गर्नुपर्ने व्यवस्था खारेज

सर्वोच्च अदालतले एकल महिलाले अर्को विवाह गरेमा पूर्वपतिबाट पाएको सम्पत्ति फिर्ता गर्नुपर्ने कानुनी व्यवस्था खारेज गरेकाे छ । अदालतले उक्त कानुनी व्यवस्था खारेज गरेको हाे ।

सर्वोच्च अदालतका कामु प्रधानन्यायाधीश सपना प्रधान मल्ल, न्यायाधीशहरु कुमार रेग्मी, हरिप्रसाद फुयाल, डा. मनोजकुमार शर्मा, डा नहकुल सुवेदीको संवैधानिक इजलासले उक्त मुलुकी देवानी संहिता ऐन, २०७४ को दफा २१४(२) मा भएको व्यवस्था खारेज गरेको हो ।

कानुनी व्यवस्था अनुसार एकल (विधवा) महिलाले अर्को विवाह गरेमा निजले अंश बापत पाएको सम्पत्ति विधवाको अघिल्लो पतितर्फका छोराछोरी भएमा त्यस्ता छोराछोरीले र नभएमा निज आफैँले लिन पाउने भन्ने व्यवस्था गरेको छ ।

नेपालको संविधानमा भएको समानताको हक प्रतिकूल भएको उल्लेख गर्दै महिला कानुन र विकास मञ्चकाे तर्फबाट वरिष्ठ अधिवक्ता मीरा ढुङ्गानाले दायर गरेको रिट निवेदनमाथि सुनुवाइ गर्दै सर्वोच्च अदालतले उक्त व्यवस्था खारेज गरेको हो ।