पूर्वमाओवादी नेता सुदन किराँती हर्क साम्पाङ नेतृत्वको श्रम संस्कृति पार्टीमा प्रवेश गरेका छन् । पूर्वपर्यटन मन्त्री समेत रहेका पूर्वमाओवादी नेता किराँती श्रम संस्कृति पार्टीमा प्रवेश गरेका हुन् ।
किराँतीले हर्क साम्पाङ नेतृत्वको श्रम संस्कृति पार्टीमा वरिष्ठ नेताको जिम्मेवारी पाउने भएका छन् । श्रम संस्कृति पार्टीमा एक उपाध्यक्ष, एक सचिव र १५ जना केन्द्रीय सदस्यहरु पाउने सहमति भएसँगै उनी श्रम संस्कृति पार्टीमा प्रवेश गरेका हुन् ।
आज दिउँसाे काठमाडौंको बागबजारस्थित हार्दिक होटलमा पत्रकार सम्मेलन मार्फत पार्टी प्रवेशको औपचारिक घोषणा हुने बताइएकाे छ । गत भदाै २३ र २४ गतेकाे जेनजी आन्दोलनपछि प्रचण्ड, माधव नेपाल सहितका नेताहरुले पार्टी एकता गरेर नेपाल कम्युनिस्ट पार्टी गठन गरेपछि त्यसमा असहमति जनउँदै किराँती प्रगतिशील लोकतान्त्रिक पार्टी (प्रलोपा)मा लागेका थिए ।
