सिन्धुपाल्चोककाे सातवटा सामुदायिक विद्यालयमा एसइईकाे नतिजा शून्य आएको छ । हालै प्रकाशित माध्यमिक शिक्षा परीक्षा (एसइई) काे नतिजा अनुसार जिल्लाका विभिन्न सातवटा विद्यालयकाे नतिजा शून्य आएको हाे ।
शिक्षा विकास तथा समन्वय एकाइका अनुसार शून्य नतिजा आएका विद्यालयहरुमा लिसङ्खुपाखर गाउँपालिकास्थित बुद्धोदय मावि, धर्मोदय मावि, चौतारा साँगाचोकगढी नगरपालिकाको वनदेवी मावि चौतारा, बलेफी गाउँपालिकाको वनसाँघु मावि, भोटेकोशी गाउँपालिकाको मार्मिङ मावि र भीमसेन मावि तथा हेलम्बुको हेलम्बु बोधिसत्व मोडल स्कुल रहेका छन् ।
लिसङ्खुको बुद्धोदय मावि, भोटेकोशीको भीमसेन मावि र हेलम्बुको हेलम्बु बोधिसत्व मोडल स्कुलमा प्राविधिक धारका पठनपाठन समेत हुने गरेको छ । प्राविधिक धारतर्फ भने केही विद्यार्थी ‘ग्रेडेड’ भएकाे बताइएकाे छ ।
सिन्धुपाल्चोक जिल्लामबाट १ सय २९ सामुदायिक, ११ संस्थागत र ३ खुला विद्यालय गरी जम्मा १ सय ४३ विद्यालय २०८२ काे एसइई परिक्षामा सहभागि भएका थिए ।
