गएराति हुम्लामा परेकाे असिना–पानीसहितको बाढी पहिराेले ठूलो क्षति भएकाे छ । हुम्लाको चंखेली गाउँपालिका–५, नेप्का गाउँमा आएको बाढीपहिरोले ठूलो क्षति पुगेको हाे ।
असिना–पानीसहितको बाढीले विद्यालय भवन, स्थानियका गोठ र खेती योग्य जमिन बगाएको बताइएकाे छ । बाढीले डाँफे आधारभूत विद्यालय र गाेठ बगाउँदा दर्जनाैँ भेडा बाख्रा पुरिएकाे छ ।
जिल्ला प्रशासन कार्यलयले रातको घटना भएकाले क्षतिकाे एकिन हुन नसकेको भन्दै प्रमुख जिल्ला अधिकारी टेककुमार रेग्मीले बाढि पहिरोले क्षति पुर्याएको स्थानियले जानकारी गराएपछि प्रहरी टोली आज बिहान त्यसतर्फ पठाएको बताए ।
बाढी पहिराे आएकाे नेप्का गाउँ दुर्गम क्षेत्रमा पर्ने भएकाले क्षतिको यकिन विवरण आउन समय लाग्ने बताइएकाे छ । चंखेली गाउँपालिकाको केन्द्रसम्म पुग्न बाटाे अप्ठ्यारो भएकाले जोखिम मोलेर पैदल हिँड्नुपर्ने बाध्यता रहेकाे छ भने प्रहरीको टोली पुग्न ६/७ घण्टासम्म लाग्ने प्रमुख जिल्ला अधिकारी रेग्मीले बताएका छन् ।
