अहिले देशमा पश्चिमी वायु र स्थानीय वायुका साथै पूर्वी भूभाग नजिक रहेको न्यून चापीय क्षेत्रको मिश्रित प्रभाव रहेकाकाे छ । जसकाे कारण देशकाे विभिन्न भागकाे माैसमा बदलीसँगै वर्षा र हिमपात हुनुका साथै तराइ भागमा गर्मी बढ्न सुरु भएकाे छ ।
अहिले काठमाडाैँ उपत्यकालगायत देशका विभिन्न भागमा वर्षा भइरहेकाे छ । त्यसतै कोशी, मधेश, बागमती र गण्डकी प्रदेशमा साधारणतया बादल लाग्नुका साथै बाँकी तराई भूभागमा मौसम मुख्यतया सफा रहेको मौसम पूर्वानुमान महाशाखाले जनाएकाे छ ।
आज दिउँसो कोशी,बागमती र गण्डकी प्रदेशका हिमाली र पहाडी भूभागमा साधारणतया बादल लाग्ने छ भने मधेश प्रदेशसहित बागमती र गण्डकी प्रदेशको तराई क्षेत्र र बाँकी प्रदेशका पहाडी भूभागमा आंशिक बदली हुने भएकाे छ । त्यसैगरि कोशी, बागमती र गण्डकी प्रदेशका हिमाली तथा पहाडी भूभागका थोरै स्थानहरूमा हल्कादेखि मध्यम वर्षा र हिमपातको साथै तराइमा तातो हावा चल्ने र गर्मी बढ्ने सम्भावना रहेको महाशाखाले जनाएकाे छ ।
राति कोशी, बागमती र गण्डकी प्रदेशको हिमाली र पहाडी भूभागमा साधारणतया बादल लाग्नुका साथै मधेश, बागमती र गण्डकी प्रदेशको तराई तथा बाँकी प्रदेशका हिमाली र पहाडी क्षेत्रमा आंशिक बदली हुनेछ भने कोशी, बागमती र गण्डकी प्रदेशका थोरै स्थान तथा मधेश प्रदेशको एक-दुई स्थानमा मेघगर्जन र चट्याङ्गसहित मध्यम वर्षा र हिमपात हुन सक्ने महाशाखाले जनाएको छ ।
