बिहानैदेखि काठमाडाैँ उपत्यकालगायत देशका विभिन्न स्थानमा वर्षा भएको छ । आज बिहान ५ बजेदेखि काठमाडौँ उपत्यकालगायत विभिन्न स्थानमा पानी पर्न सुरु भएकाे जल तथा माैसम पूर्वानुमान महाशाखाले जनाएकाे छ ।
अहिले पश्चिमी वायु, स्थानीय वायु तथा नेपालको पूर्वी भूभाग नजिक रहेको न्यून चापीय क्षेत्रको प्रभाव रहेकाले कोशी, मधेस, बागमती र गण्डकी प्रदेशको पहाडी तथा हिमाली भू-भागमा आंशिक बादल लागिरहेको छ भने गण्डकी र बागमती प्रदेशका थोरै स्थानहरूमा चट्याङ्गसहित मध्यमसम्मको वर्षा भइरहेको छ ।
आज दिउँसो कोशी, मधेस, बागमती र गण्डकी प्रदेश लगायत बाँकी प्रदेशका हिमाली र पहाडी भू-भागमा साधरणतया बादल लाग्नका साथै लुम्बिनी प्रदेशको तराई भूभागमा आंशिक बादल लाग्नेछ भने बाँकी तराई भू-भागकाे माैसम मुख्यतया सफा रहनेछ भने लुम्बिनी प्रदेशका पहाडी तथा तराई भू-भागमा गर्मी बढ्ने सम्भावना रहेको छ ।
त्यस्तै आज राति कोशी, मधेस, बागमती र गण्डकी प्रदेशमा साधरणतया बादल लाग्नेछ भने। बाँकी प्रदेशका हिमाली र पहाडी भूभागमा आंशिक बादलका साथै तराई भू-भागमा मुख्यतया माैसम सफा रहने महाशाखाले जनाएकाे छ । यता कोशी, मधेस, बागमती र गण्डकी प्रदेशका थोरै स्थानहरूमा चट्याङ्ग सहित मध्यमसम्म वर्षाको सम्भावना रहेको महाशाखाले जनाएकाे छ ।
