नेपाली महिला क्रिकेट टोलीले एसियाली खेलकुदको महिला छनोटको समूह चरणमा आज चीनसँग प्रतिस्पर्धा गर्दैछ । बिहान ११ : ४५ बजे मलेसियाको वायोमास ओभलमा हुने खेलमा नेपालले चीनसँग प्रतिस्पर्धा गर्ने भएकाे हाे ।
यसअघि सन् २०१९ को फेब्रुअरीमा नेपाल र चीनबीच खेल भएकाे थियाे भने अहिले तेश्राे पटक नेपालले चीनको महिला राष्ट्रिय टोलीसँग खेल्न लागेकाे हाे । चीनले छनोटको पहिलो दिन इन्डोनेसियालाई हराएको थियाे भने दाेश्राे खेल नेपालसँग खेल्न लागेकाे हाे ।
यसअघि भएका दुवै खेलमा नेपाल विजयी भएको थियाे । पहिलो पटक १२ जनवरी २०१९ मा चीनसँगको ट्वान्टी २० अन्तर्राष्ट्रिय क्रिकेटमा नेपालले चीनलाई १० विकेटले पराजित गरेको थियो भने दाेश्राे खेलमा नेपाल ५ रनले विजयी भएको थियो ।
अन्तर्राष्ट्रिय क्रिकेट परिषद (आइसिसी) को पछिल्लो वरियतामा नेपाल २२औं स्थानमा छ भने चीन भने ४३औं स्थानमा रहेकाे छ ।
