वीरगन्ज महानगरपालिकाका प्रमुख राजेशमान सिंह पक्राउ परेका छन् । जिल्ला प्रहरी कार्यालय र मातहतको विशेष सुरक्षा टोलीले उनलाई ठोरी आसपासको क्षेत्रबाट नियन्त्रणमा लिएको हाे ।
उनलाई जिल्लाको सीमावर्ती क्षेत्र ठोरीबाट प्रहरीले नियन्त्रणमा लिएको बताइएकाे छ । लामो समयदेखि विभिन्न विवाद र अनुसन्धानको घेरामा रहँदै आएका मेयर सिंहलाई कुन निश्चित कसुर वा मुद्दाको सिलसिलामा पक्राउ गरिएको हो भन्नेबारे प्रहरीले आधिकारिक रूपमा विस्तृत विवरण सार्वजनिक गरिसकेको छैन ।
उनीमाथि लागेका गम्भीर आरोपहरू र उजुरीका आधारमा अदालतबाट अनुमति लिई वा तत्काल अनुसन्धानका लागि नियन्त्रणमा लिइएको हुनसक्ने अनुमान गरिएको छ । ठोरीमा नियन्त्रणमा लिइएका मेयर सिंहलाई अहिले कडा सुरक्षाका बीच जिल्ला प्रहरी कार्यालय लैजानेने तयारी भइरहेको बताइएकाे छ ।
