फिफा विश्वकप २०२६ आजदेखि सुरु हुँदै

फिफा विश्वकप २०२६ आजदेखि सुरु हुँदैछ । विश्व फुटबलको सबैभन्दा ठूलो प्रतियोगिता फिफा विश्वकप आज राति १२ : ४५ बजे सुरु देखि सुरु हुँदैछ ।

विश्वकपलाई तीन आयोजक राष्ट्र अमेरिका, मेक्सिको र क्यानडाले संयुक्त रूपमा उद्घाटन गर्नेछन् । तीन आयोजकले संयुक्त रूपमा आयोजना गरेको यो प्रतियोगितालाई विश्वकप इतिहासकै सबैभन्दा ठूलो संस्करण मानिएको छ ।

यो पटक विश्वकपमा ४८ राष्ट्रले सहभागिता जनाउने छन् भने झण्डै एक महिनासम्म सञ्चालन हुने प्रतियोगितामा कुल १०४ खेल खेलाइने छ । उद्घाटन खेलमा मेक्सिकोको प्रसिद्ध ‘एस्टाडियो एज्टेका’ रंगशालामा घरेलु टिम र दक्षिण अफ्रिका खेल्नेछन् ।

विश्वभरका फुटबल समर्थक अहिले आफूलाई मन पर्ने फुटबल टिमको जर्सी लगाएर फुटबल महाकुम्भमा होमिएका छन् । जुलाई १९ मा अमेरिकाको न्युयोर्कमा हुने फाइनल खेलपछि विश्वकप समापन हुनेछ ।