प्रहरीले भारतबाट अवैध रूपमा भन्सार छली गरेर ल्याउँदै गरेकाे सामान बरामद गरेको छ । कैलालीकाे धनगढी उपमहानगरपालिकाबाट प्रहरीले ७९ हजार रुपैयाँ बराबरका विभिन्न सामान बरामद गरेको हाे ।
हिजाे शनिबार जिल्ला प्रहरी कार्यालय कैलाली तथा मातहतका प्रहरी टोलीले धनगढी उपमहानगरपालिका–३ र १३ वडाका क्षेत्रबाट बेवारिसे अवस्थामा रहेका उक्त सामान नियन्त्रणमा लिएको हो ।
प्रहरीले बरामद गरेकाे सामानमा सुर्ती, सुटपिस, स्याम्पु, साबुन, सिरप तथा विभिन्न किराना सामग्री रहेका छन् । प्रहरीले भन्सार छली गरी नेपाल भित्र्याइएका उक्त सामान आवश्यक कानुनी प्रक्रिया पूरा गरी घटनाबारे थप अनुसन्धान गरिरहेकाे जनाएको छ ।
