बारामा बालबालिकालाई डोरीले बाँधेर कुटपिट गर्ने ४ जना पक्राउ परेका छन् । बाराको जीतपुर सिमरा उपमहानगरपालिका–१६, टाँगियाबस्तीमा बालबालिकालाई डोरीले बाँधेर कुटपिट गर्ने ४ जना महिलालाई प्रहरीले पक्राउ गरेको हाे ।
मोबाइल चोरीको आरोप लगाउँदै बरको रुखको फेदमा बाँधेर कुटपिट गर्ने ४ जना महिलालाई प्रहरीले पक्राउ गरेको बताइएकाे छ । पक्राउ पर्नेमा ६२ वर्षीया मिना रजन मगर, ३२ वर्षीया पवीकुमारी आले मगर, ३० वर्षीया रानीमाया मोत्तान र ४२ वर्षीया निर्मला वाइवा रहेकाे जिल्ला प्रहरी कार्यालयका प्रहरी प्रवक्ता एवं प्रहरी नायब उपरीक्षक मिनबहादुर घलेले जानकारी दिएका छन् ।
महिलाहरूले बालबालिकामाथि गएकाे मंगलबार कुटपिट गरेकाे र कुटपिटमा संलग्न चारै जनालाई बारा जिल्ला अदालतबाट पाँच दिनको म्याद लिएर अनुसन्धान थालिएको प्रहरीले जनाएकाे छ ।
