अाज भएकाे खेलमा नर्वेलाई हराउँदै इङ्ग्ल्यान्ड र स्विट्जरल्यान्डलाई हराउँदै अर्जेन्टिना फिफा विश्वकप २०२६ को सेमिफाइनलमा प्रवेश गरेका छन् । क्वार्टरफाइनलमा नर्वेलाई २–१ ले हराउँदै इङ्ग्ल्यान्ड र स्विट्जरल्यान्डलाई ३–१ हराउँदै अर्जेन्टिना फिफा विश्वकप २०२६ को सेमिफाइनलमा प्रवेश गरेको हाे ।
भर्खरै सम्पन्न खेलमा स्विट्जरल्यान्डलाई ३–१ गोलले हराउँदै अर्जेन्टिना सातौंपटक विश्वकपको सेमिफाइनलमा प्रवेश गरेको हो । निर्धारित ९० मिनेटको खेल १–१ गोलको बराबरीमा सकिएपछि खेल अतिरिक्त समयमा पुगेको र अतिरिक्त समयमा अर्जेन्टिनाले २ गोल गर्दै सेमिफाइनलमा प्रवेश गरेको हाे ।
अर्जेन्टिनाका लागि खेलको १० औँ मिनेटमा एलेक्सिस म्याक एलिस्टरले गाेल गरेका थिए भने अतिरिक्त समयको ११२ औँ मिनेटमा जुलियन अल्भारेजले दाेश्राे गाेल गरेका थिए । त्यसैगरि अतिरिक्त समयको इन्जुरी समयमा लाउटारो मार्टिनेजले थप गोल गर्दै अर्जेन्टिनाको ३–१ को जित दिलाएकाे खेलमा स्विट्जरल्यान्डका लागि ६७ औँ मिनेटमा डान एनडोयेले गाेल गरेका थिए ।
याे पराजयसँगै स्विट्जरल्यान्ड खेलबाट बाहिरिएकाे छ भने अब अर्जेन्टिनाले इङ्ग्ल्यान्डसँग सेमिफाइनल खेल खेल्नेछ । सेमिफाइनलका लागि साविक विजेता अर्जेन्टिना, इङ्ग्ल्यान्ड, स्पेन र फ्रान्स अन्तिम चारमा पुगेका छन् ।
फिफा विश्वकप २०२६ को रोमाञ्चक र प्रतिस्पर्धात्मक क्वार्टरफाइनल खेलहरू सकिएसँगै विश्वकपको सेमिफाइनल समीकरण पूरा भएको छ ।
