साउने सोमबारको तयारीस्वरुप पशुपति क्षेत्रमा सरसफाइ गरिएको छ । पशुपति क्षेत्र विकास कोषले साउने सोमबारका लागि तयारीस्वरुप गत हप्तादेखि सरसफाइ अभियान संचालन गरेको थियाे ।
पशुपति क्षेत्रमा सरसफाइको दोस्रो साता हिजाे शनिबार पनि पशुपति क्षेत्रका विभिन्न स्थानमा सफाइ गरिएको कोष सञ्चालक परिषद् सदस्यसमेत रहेका स्थानीयवासी एव पशुपतिका भण्डारी केदारमान भण्डारीले जानकारी दिएका छन् ।
शनिबारको सफाइका क्रममा दर्शनका लागि भक्तजन लाम बस्ने चारै ढोकाअघिको क्षेत्र एवं प्रवेश मार्ग क्षेत्रमा सफाइ गरिएको उनकाे भनाइ रहेकाे छ । दक्षिणामूर्ति, उमाकुण्ड, पशुपति बजार, भुवनेश्वरी, गौशाला, बज्रघर, तिलगङ्गा र वनकाली क्षेत्रमा समेत सरसफाइ गरिएको बताइएकाे छ ।
