नेपालमा पछिल्लाे समाय देखिएकाे ‘बर्डफ्लु’ संक्रमणका काराण गिरावट आएको अण्डाको मूल्य बढ्न थालेको छ । अहिले उत्पादन घटेको र माग बढेकाले मूल्य बढ्न थालेको हो ।
नेपाल लेयर्स कुखुरापालक संघले ठूला फार्महरूको मूल्य लिएर बजार मूल्य तय गर्ने गरेकाे र साेहि अनुसार आजबाट लागू हुनेगरी ठूलो अण्डा प्रतिक्रेट (३० वटाको) रु ४५० बाट ५०० पुगेको बताएकाे छ । त्यसैगरि मध्यम अण्डा रु ४२० वाट ४७० पुगेको छ भने सानो अण्डा रु ४१५ पुगेको छ ।
नेपाल लेयर्स कुखुरापालक संघका केन्द्रीय अध्यक्ष विनोद पोखरेलले अण्डको माग बढ्न थालेपछि मूल्य बढ्न थालेको बताउँदै सबै साइजकाे अण्डामा प्रतिक्रेट रु ५० बढेको जनाएका छन् । उनका अनुसार दैनिक ४५ लाख गोटा हाराहारी अण्डा उत्पादन हुँदै आएकामा वर्डफ्लुका कारण घटेर २८ लाख हाराहारीमा झरेको बताइएकाे छ ।
जेठको अन्तिममा एक क्रेट (३० वटा) अण्डाको रु ५५० मा बिक्री भएकामा बर्डफ्लुका कारण मूल्य घटेर रु ४५० मा पुगेको थियो । एक क्रेट अण्डाको लागत मूल्य ५७३ रुपैयाँ ६० पैसा पर्न आउँछ भने प्रतिगोटा रु १९ रुपैयाँ १२ पैसा पर्न आउँछ ।
अहिले अण्डाको खपत बढेसँगै मूल्य बढ्न थालेको भएपनि झै किसानले लागत मूल्य पाउन नसकेका बताउँदै अध्यक्ष पोखरेलले किसान लागत मूल्य पाउने आशामा रहेकाे र बर्डफ्लुका कारण किसानले ठूलो नोक्सानी व्यहोर्नुपरेकाले प्रभावित किसानलाई राज्यले राहत दिनुपर्ने बताएका छन् ।
