देशकाे विभिन्न स्थानमा परेकाे वर्षासँगै बाढीपहिरो गएका कारण विभिन्न स्थानका ११ ठाउँमा आज पनि प्रमुख राजमार्ग अवरुद्ध भएका छन् । नेपाल प्रहरीलेको विवरणअनुसार कोसी, बागमती, गण्डकी, कर्णाली र सुदूरपश्चिम प्रदेशका विभिन्न स्थानमा राजमार्ग अवरुद्ध भएका हुन् ।
जसमा इलाममा मेची राजमार्ग, खोटाङमा मध्यपहाडी राजमार्ग, सिन्धुली र काभ्रेमा बीपी राजमार्ग, सिन्धुपाल्चोकमा अरनिको राजमार्ग, मकवानपुरमा कान्तिलोकपथ, दोलखामा लामासाघु रामेछाप राजमार्ग, बागलुङमा कालीगण्डकी करिडोर, लमजुङमा बेसीँशहर मनाङ सडक, म्याग्दीमा बेनी जोमोम सडक, रुकुम पश्चिममा भेरी करिडोर र जाजरकोट डोल्पा सडक बाढी र पहिरोका कारण पूर्णरुपमा अवरुद्ध भएका छन् ।
नेपाल प्रहरीकाे सार्वजनिक विवरणअनुसार भोजपुरमा मध्यपहाडी राजमार्ग र डडेल्धुरामा केआई सिंह राजमार्ग बाढीपहिरोको कारण आज एकतर्फी यातयात संचालन रहेकाे छ । वर्षा जारी रहेकाले पहिरो र बाढीको जोखिम हुन सक्ने भएकाले सडकको अवस्थाबारे जानकारी लिएर मात्रै यात्रा गर्न प्रहरीले आग्रह गरेको छ ।
