सेन्ट्रल एसियन भलिबल एसोसिएसन (काभा) च्याम्पियनपिसमा आज नेपालले बंगलादेशसँग प्रतिस्पर्धा गर्दैछ । पाकिस्तानकाे इस्लामावादमा जारी प्रतियाेगितामा नेपाली समय अनुसार पौने २ बजे नेपालले बंगलादेशसँग प्रतिस्पर्धा गर्न लागेकाे हाे ।
यसअघि लगातार तेस्रो हार बेहोरेको नेपालले बंगलादेशसँगकाे खेलमा पहिलो जित निकाल्ने तयारीका साथ मैदान उत्रन लागेकाे छ । शुक्रबार नेपालले घरेलु टोली पाकिस्तानसँग सोझो सेटमा पराजय बेहोरेकाे थियाे ।
पाकिस्तान २५–१४, २५–१८, २५–१० को सेटमा विजयी भएकाे थियाे भने यसअघिका खेलमा नेपाल क्रमशः काजकिस्तान र श्रीलंकासँग समान ३–२ सेटको नतिजामा पराजित भएको थियो । सिंगल राउन्ड रोविन लिगपछि शीर्ष चार टोली सेमिफाइनलमा प्रवेश गर्नेछन् ।
शीर्ष चारमा अटाउन नसक्ने टोलीले पाँचौं स्थानका लागि प्रतिस्पर्धा गर्नेछ । नेपालले भोलि पहिलो चरणको अन्तिम खेलमा उज्वेकिस्तानसँग खेल्ने खेल तालिका रहेकाे छ भने सेमिफाइनल सम्भावनालाई कायमै राख्न नेपाललाई आजकाे खेल जित्नै पर्नछ ।
