२०८३ वैशाख १ देखि २०८३ हालसम्म देशका विभिन्न भागमा झण्डै ४ हजार विपद्जन्य घटना हुँदा १ सय ९३ जनाले ज्यान गुमाएका छन् । उक्त अवधिमा ३ हजार ९ सय ५१ विपद्जन्य घटनामा १ सय ९३ जनाकाे ज्यान गएकाे हाे ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार विपद्जन्य घटनामा १ सय ९३ जनाको मृत्यु हुनुका साथै ३ जना बेपत्ता, १ हजार १ सय ६५ जना घाइते तथा ५ हजार ८७ परिवार प्रभावित भएका छन् ।
जस मध्ये सबैभन्दा बढी १ हजार २ वटा आगलागीका घटना, सर्पदंशका ६ सय ७०, पहिरोका ६ सय ६२, हुण्डरीका ४ सय ७९, चट्याङका २ सय ३१, भारी वर्षाका २ सय २६, वन्यजन्तु आक्रमणका २ सय १८, बाढीका १ सय ९८ र वन डढेलोका १ सय ९१ घटना भएकाे थियाे ।
त्यसैगरि साउन १३ गते बिहान १० बजेदेखि साउन १४ गते बिहान १० बजेसम्म २४ घण्टामा देशका विभिन्न स्थानमा ३४ वटा विपद्जन्य घटना भएका प्राधिकरणले जनाएको छ । ती घटनामा १३ जना घाइते भएका छन् भने २३ जनाको उद्धार गरिएको थियाे भने घटनामा ४१ लाख ८ हजार बराबरको क्षति भएको छ ।
उक्त अवधिमा सर्पदंशका ८, आगलागीका ८, भारी वर्षाका ९, पहिरोका ५, बाढीको १ र वन्यजन्तु आक्रमणका ३ घटना भएकाे पनि प्राधिकरणले जनाएकाे छ ।
त्यसैगरि प्राधिकरणका अनुसार साउन १३ गते बिहानदेखि साउन १४ गते बिहानसम्म देशका विभिन्न भागमा ४४८ वर्षा मापन केन्द्रमध्ये २६६ केन्द्रमा वर्षा अभिलेख भएको र सबैभन्दा बढी १०४.६ मिलिमिटर वर्षा कञ्चनपुरको दोधारामा भएको बताइएको छ ।
