काठमाडाैँकाे त्रिपुरेश्वरस्थित राहदानी विभागमा सेवाग्राहीहरूको अत्यधिक भीड लागेको छ । ईपीएसअन्तर्गत दक्षिण कोरियामा रोजगारीका लागि आवेदन दिनेहरूको संख्यामा वृद्धि भएसँगै विभागमा राहदानी बनाउनेकाे भिड लागेको हाे ।
अहिले राहदानी लिनका लागि लामबद्ध हुनेहरूको बाक्लो उपस्थिति रहेको छ भने सेवाग्राहीको बढ्दो चापलाई मध्यनजर गर्दै विभागले आगामी सोमवारसम्म राहदानी आवेदन फाराम खुला राख्ने निर्णय गरेको छ ।
विभागमा भिड लागेसँगै भिडलाई सहज बनाउन विभागले सार्वजनिक बिदाका दिनहरू शनिबार र आइतबारसमेत कार्यालय खुला राखी सेवा प्रवाह गर्ने जानकारी दिएको छ ।
घर–घरमा राहदानी पुर्याउने नारासहित अघि बढेको सरकार राहदानी विभागमा पुगेर लामबद्ध भएका नागरिकहरूलाई पनि समयमै राहदानी दिन नसकेको भन्दै नागरिकहरूले विरोध गरिरहेका छन् ।
