ट्राफिक प्रहरीले पछिल्लो २४ घण्टामा १ हजार ३४५ सवारी चालकलाई कारबाही गरेकाे छ । ट्राफिक प्रहरीले मंगलबार बिहानसम्म विभिन्न कसुरमा १ हजार ३४५ सवारीसाधनका चालकलाई कारबाही गरेको हाे ।
काठमाडौं उपत्यकाका विभिन्न स्थानमा ट्राफिक प्रहरीले सञ्चालन गरेको जाँचका क्रममा मादक पदार्थ (मापसे) सेवन गरी सवारी चलाउने ५१, सिसिटिभिमार्फत ७१, रातोबत्तीमा ५६ जना चालकलाई कारबाही गरिएको थियाे ।
त्यसैगरी, तीव्रगतिमा १४२, हर्न निषेधमा ४१, लेन क्रसमा ७०, अवस्था ठिक नभएको २१, एकतर्फीमा ३२ र अन्यमा ८६१ जना चालकलाई कारबाही गरिएको ट्राफिक प्रहरीले जनाएको छ ।
