काठमाण्डू, संघीय संसद् अन्तर्गत राष्ट्रियसभाको शुक्रबारका लागि तय गरिएको बैठक स्थगित गरिएको छ। विशेष कारणवश बैठक बस्न नसक्ने भएपछि यसको मिति परिवर्तन गरिएको हो।
यसअघि साउन २२ गते शुक्रबार दिउँसो १ः१५ बजे बस्ने तय भएको बैठक अब साउन २७ गते बुधबार दिउँसो १ः१५ बजे बस्नेछ।
संघीय संसद् सचिवालयका अनुसार राष्ट्रियसभा नियमावली, २०७५ को नियम ६ को उपनियम (३) बमोजिम राष्ट्रिय सभाका अध्यक्षले बैठकको मिति र समय परिवर्तन गरेका हुन्।
बैठकको नयाँ मिति र समयबारे संघीय संसद् सचिवालयका महासचिव पद्मप्रसाद पाण्डेयले सूचना जारी गर्दै राष्ट्रिय सभा सदस्यहरूलाई जानकारी गराएका छन्।
सचिवालयले बैठक स्थगित हुनुको विशेष कारण भने सार्वजनिक गरेको छैन।
