भारत सरकारले नेपालको शिक्षा, स्वास्थ्य र कृषि क्षेत्रमा ८० करोड भन्दा बढि सहयोग उपलब्ध गराउने भएकाे छ । परियोजना सञ्चालनसम्बन्धी समझदारीपत्रमा नेपाल सरकारका सम्बन्धित निकाय र नेपालस्थित भारतीय राजदूतावासका अधिकारीलेले ८० करोड ३० लाख बराबरको सहयोग उपलब्ध गराउने सम्झाैता पत्रमा हस्ताक्षर गरेका हुन् ।
उक्त सम्झौताअनुसार कोशी प्रदेशको धरानस्थित बिपी कोइराला स्वास्थ्य विज्ञान प्रतिष्ठानको ‘डिजिटलाइजेसन’, भोजपुरको टेम्केमैयुङ गाउँपालिका–९, मा कृषि उत्पादन संकलन तथा बिक्री केन्द्र निर्माण हुनेछ ।
त्यसैगरि मोरङको बेलबारी नगरपालिका–३, मा बेलबारी बहुमुखी क्याम्पसको भवन निर्माण र सुनसरीको बर्जु गाउँपालिकामा १५ शय्याको अस्पताल भवन निर्माण गरिने बताइएकाे छ । त्यस्तै, बागमती प्रदेशको धादिङको ज्वालामुखी गाउँपालिका–६, मा नगदे कृषि तथा पशुपन्छी केन्द्र भवन, कर्णाली प्रदेशको दैलेखको डुङ्गेश्वर गाउँपालिका–५, मा १० शय्याको अस्पताल निर्माण हुनेछ ।
सम्झाैता अनुसार हुम्लाको सर्केगाड गाउँपालिका–४, मा कृषि प्रवर्धन केन्द्र र गण्डकी प्रदेशको स्याङ्जाको कालीगण्डकी गाउँपालिका–४, मा कोल्ड स्टोर निर्माण गरिनेछ । उक्त परियोजना नेपाल सरकारका स्थानीय निकाय तथा संस्थामार्फत कार्यान्वयन गरिने बताइएकाे छ ।
