गत साउन महिनामा झापामा २५ वटा विपद्का घटनामा ३४ लाख बढिकाे क्षति भएकाे छ । बाढी, पहिरो, आगलागी, चट्याङ तथा जंगली जनावरको आक्रमणलगायत २५ वटा विपद्का घटना हुँदा ३४ लाख २४ हजार बराबरको भौतिक क्षति भएको जिल्ला प्रहरी कार्यालयले जनाएको छ ।
जिल्ला प्रहरी कार्यालयका प्रहरी नायब उपरीक्षक रञ्जन अवालेका अनुसार साउन महिनामा भएका विभिन्न विपद्का घटनामा परी २ जना घाइते भएका छन् भने ३ जनाको सकुशल उद्धार गरेको छ ।
जसमा सबैभन्दा बढी आगलागीका घटना भएका थिए । विभिन्न स्थानमा भएका पाँच वटा आगलागीका घटनामा १९ लाख ३० हजार बराबरको धनमाल क्षति भएको प्रहरीले जनाएकाे छ । त्यस्तै जंगली जनावरको आक्रमणका १७ वटा घटनामा दुई जना घाइते भएका छन् ।
त्यसैगरि चट्याङका घटनामा परी पाँच लाख बराबरको क्षति भएको प्रहरीले जनाएको छ । पछिल्लाे समय मनसुनजन्य तथा अन्य प्राकृतिक विपद्को जोखिमलाई ध्यानमा राख्दै जिल्लाभर प्रहरी जनशक्तिलाई उच्च सतर्क अवस्थामा राखिएको बताइएकाे छ ।
