गत बुधबार गएकाे भोटेकोशीको बाढीमा परेका हजारौं मानिस अझै बेपत्ता रहेका छन् । विपत्तिको छैटौँ दिन बितिसक्दा पनि सम्पर्क हुन नसकेका हजारौं मानिस अझै बेपत्ता रहेका छन् ।
प्रधानमन्त्री कार्यालयको उद्धार पोर्टलका अनुसार १० हजारभन्दा बढी मानिस अझै बेपत्ता रहेकाे बताइएकाे छ । पछिल्लो तथ्यांकअनुसार हराएका मानिसहरूको कुल १५,२४९ वटा रिपोर्ट दर्ता भएकोमा अझै १०,३४१ जना मानिस बेपत्ता रहेका छन् ।
उक्त विपत्तका कारण स्थिति अत्यन्तै जटिल बनेको छ भने बेपत्ता भएकाहरूको खोजी तीव्र पारिएको छ । हराएकाहरूमध्ये ४,९०८ जना मानिस फेला परेका छन् भने ५५५ जना परिवारको प्रतीक्षामा रहेका छन् ।
हालसम्म भेटिएका वा समाधान भएका केसहरूको संख्या ४,३५३ पुगेको र पछिल्लो २४ घण्टामा मात्रै ४,१८० वटा नयाँ रिपोर्टहरू दर्ता भएका छन् । बेपत्ता हुनेहरूमा १८ वर्ष मुनिका ९९४ जना बालबालिका र ६० वर्ष माथिका ५३० जना ज्येष्ठ नागरिक अझै सम्पर्क विहिन अवस्थामा रहेका तथ्यांकमा उल्लेख गरिएकाे छ ।
सरकारी तथ्यांक अनुसार हालसम्म ७८१ को शव भेटिएको छ भने ९ हजारभन्दा धेरैको उद्धार गरिएको बताइएकाे छ ।
