हिजाेबाट सुरु भएकाे नेपाली कांग्रेसको १५औँ महाधिवेशनकाे दाेश्राे दिन आजबाट बन्दसत्र सुरु हुँदैछ । बन्दसत्र कार्यक्रम आज र भोलि चल्ने बताइएकाे छ ।
आजबाट सुरु हुने बन्दसत्रमा सभापति गगन थापाको राजनीतिक प्रतिवेदन पेस हुनेछ भने महामन्त्रीले विधान संशोधन र कोषाध्यक्षले आर्थिक प्रतिवेदन पेस गर्ने कार्यतालिका रहेकाे छ ।
त्यसअघि बन्दसत्रमा पेस गर्ने प्रतिवेदनउपर छलफल गर्न कांग्रेस केन्द्रीय कार्यसमितिको बैठक खुलामञ्चमै बस्दै छ भने आज मतदाता नामावली प्रकाशन पनि हुने छ । बेलुका ५ बजे मतदाता नामावली प्रकाशन गरिने बताइएकाे छ ।
साँझ ५ देखि साढे ६ बजेसम्म मतदाता नामावली प्रकाशनविरुद्ध दावी विरोधको समय तोकिएको छ । त्यसैगरि दावी विरोधउपर जाँचबुझका लागि साढे ६ देखि साढे ७ बजेसम्मको समय तोकिएको छ ।
मतदाताको अन्तिम नामावली प्रकाशन राति साढे ८ बजे हुने नेपाली कांग्रेस निर्वाचन समितिले बताएको छ । त्यसैगरि भाेलि मंगलबार बिहान मनोनयन दर्ताका लागि समय तोकिएको छ भने मतदान बुधबा बिहानदेखि हुने बताइएको छ ।
