केहि दिनदेखि देशकाे विभिन्न भागमा देखिएकाे अर्नब चक्रवातको प्रभाव क्रमिक रूपमा सुधार हुँदै गएकाे छ । जसका कारण विभिन्न भागमा परेकाे वर्षा र हिमपात राेकिाएर मौसम क्रमिक रूपमा सुधार हुँदैछ ।
अहिले अर्नब चक्रवातको अवशेषका रूपमा पश्चिम नेपाल नजिक रहेको न्यून चापीय क्षेत्रको प्रभाव कमजोर हुँदै गएको र माथिल्लो वायुमण्डलमा रहेको पश्चिमी न्यून चापीय प्रणालीको आंशिक प्रभाव मात्र रहेकाले मौसम क्रमिक रूपमा सुधार हुँदै जाने मौसम पूर्वानुमान महाशाखाले बताएको छ ।
अहिले लुम्बिनी प्रदेशलगायत देशका हिमाली भूभागमा साधारणतया बादल लाग्नुका साथै बाँकी भागमा आंशिक बादल लागेको छ । त्यसैगरि बागमती, गण्डकी, लुम्बिनी र कर्णाली प्रदेशका एकदुई स्थानमा हल्का वर्षा समेत भइरहेको छ ।
आज दिउँसो देशभर आंशिक बादल लाग्ने छ भने हिमाली र पहाडी भागका एकदुई स्थानमा हल्का वर्षा तथा हिमपातको सम्भावना रहेकाे छ । त्यस्तै आज राति देशभर आंशिक बादल लाग्नुका साथै गण्डकी, कर्णाली र सुदूरपश्चिम प्रदेशका हिमाली तथा पहाडी भागका एकदुई स्थानमा हल्का वर्षा तथा हिमपातको सम्भावना रहेकाे छ ।
त्यसैगरि तराई, उपत्यका तथा खोँचमा बिहानपख केही स्थानमा हुस्सु लाग्ने पनि महाशाखाले जनाएकाे छ ।
