काठमाण्डू, स्थानीय बजारमा आज सुनको मूल्य प्रतितोला दुई हजार आठ सय रुपैयाँले घटेको छ ।
नेपाल सुनचाँदी व्यवसायी महासङ्घले आजका लागि छापावाला सुन प्रतितोला एक लाख ६८ हजार दुई सय रुपैयाँ तोकेको छ ।
यसअघि यही कात्तिक १५ गते छापावाला सुन प्रतितोला एक लाख ७१ हजार रुपैयाँमा खरिदबिक्री भएको थियो ।
यस्तै चाँदीको मूल्यमा प्रतितोला २१ रुपैयाँले घटेको छ । महासङ्घले एक तोला चाँदीको मूल्य दुई हजार ३० रुपैयाँ तोकेको छ ।
यसअघि चाँदी प्रतितोला दुई हजार ९० रुपैयाँमा कारोबार भएको थियो ।
