म्याग्दी, नेकपा माओवादी केन्द्रका अध्यक्ष पुष्पकमल दाहालले प्रधानमन्त्री केपी शर्मा ओलीलाई ‘फटाहा’को संज्ञा दिएका छन्।
‘जो अहिले प्रधानमन्त्रीको कुर्सीमा हुनुहुन्छ, उहाँले यतिधेरै ढाँटछल, जालझेल गर्नुभयो,’ अध्यक्ष दाहालले भने, ‘मलाई त गर्न सम्म गर्नुभयो। तपाईंले सुनिसक्नुभएको छ–स्वर्ग र नर्कका कुरा।’
मंगलबार म्याग्दीको बेनीमा माओवादी केन्द्रको खबरदारी सभालाई सम्बोधन गर्दै उनले यस्तो प्रधानमन्त्री भएको देशले सुख नपाउने समेत बताए।
नेपाली कांग्रेस र नेकपा एमालेले गत असारमा गरेको ७ बुँदे सहमतिप्रति टिप्पणी गर्दै उनले भने, ‘उहाँ हस्ताक्षर गरेर आएर गरेकै छैन्।
पत्रिकामा छापी सकियो– यो पहिलोको छाप्यो, झुटो छाप्यो भन्न सक्ने भनेपछि। यस्ता जालीझेली। यस्तो फटाहा मान्छे प्रधानमन्त्री भएपछि देशले सुख पाउँछ तरु’
देशका लागि दुर्भाग्य भएको अध्यक्ष दाहालको भनाइ छ। उनले यो सरकार दलाल र बिचौलियाले बनाएको समेत जिकिर गरे।
