काठमाण्डू, कमलपोखरीस्थित शानदार मःम पसलमा बिहीबार ग्यास सिलिण्डर विस्फोट हुँदा १४ जना घाइते भएका छन् ।
प्रहरीका अनुसार विस्फोटमा परेर घाइते हुनेहरू सोही पसलमा काम गर्नेहरू हुन्।
केशव श्रेष्ठको घरमा सञ्चालनमा रहेको शानदार मःम सेन्टरमा अचानक ग्यास विस्फोट भएको जिल्ला प्रहरी परिसर काठमाडौँका एसपी अपिल बोहराले जानकारी दिए ।
घाइतेहरूलाई उपचारका लागि हिमाल अस्पताल पुर्याइएको छ ।
घाइतेमध्ये उदयपुरका २४ वर्षीय संजोग मगरको अवस्था गम्भीर भएकाले उनलाई कीर्तिपुरस्थित बर्न सेन्टर पठाइएको छ।
सिलिण्डर विष्फोटपछि घरको सिलिङ भत्किएर खसेको छ। घटनास्थलमा नेपाल प्रहरीको विपद् व्यवस्थान टोली र मालीगाउँ प्रहरीको टोली खटिएको छ।
