काठमाण्डू, आगलागीमा घाइते भएका काठमाडौँको कमलपोखरीस्थित सान्दार मःम पसलका दुई जना कामदारको मृत्यु भएको छ।
उपचारको क्रममा कीर्तिपुरस्थित बर्न अस्पतालमा उनीहरुको मृत्यु भएको हो।
सोमबार रबिन राईको र मंगलबार बिहान भीमबहादुर घलेको मृत्यु भएको अस्पतालले जानकारी दिएको छ।
जिल्ला प्रहरी परिसर काठमाडौँका एसपी अपिलराज बोहराका अनुसार बिहीबार बिहान ग्यास लिक गएर आगालागी हुँदा ११ जना घाइते भएका थिए।
आगलागीमा परी गम्भीर घाइते ७ मध्येका दुई जनाको मृत्यु भएको विवरण अस्पलालले आफूहरूलाई दिएको बोहराले बताए।
