बिर्तामोड, नेपाल अलौंची व्यवसायी महासंघको पाँचौ अधिवेशनले दिपक नेपालको अध्यक्षतामा नयाँ नेतृत्व चयन गरेको छ ।
सर्वसम्वत चयन भएको नेतृत्वमा वरिष्ठ उपाध्यक्ष नारायण चिमरिया, उपाध्यक्षमा मातृका घिमिरे र सुजित वंशल तथा महिला उपाध्यक्षमा कुसुम दाहाल निर्वाचित भएका छन् ।
महासचिवमा प्रज्वल बिमली, सचिवमा सञ्जीव घिमिरे र प्रेमकुमार राई तथा कोषाध्यक्षमा रामकृष्ण विष्ट निर्वाचित भएको निर्वाचन समितिले जनाएको छ ।
समितिको सदस्यमा कुमार थापा, अमृत बहादुर सुवेदी, छेदेन वाङदेन शेर्पा, मुकेश अग्रवाल, रामकृष्ण अधिकारी, यादव प्रसाद सुवेदी, लोचन शिवाकोटी, तिलक पाण्डे, नीलकुमार पोदार, कुमार श्रेष्ठ,पासाङ निम्मा शेर्पा, भरत उप्रेती, सोचन शिवाकोटी, खगेन्द्र बास्तोला निरज अधिकारी, इन्द्रकुमार तामाङ, गणेश पौडेल चयन भएका छन् ।
यस्तै, महिला सदस्यहरूमा माया गुरुङ, सुमित्रा भट्टराई ,संगीता चिमरिया र खुल्ला सदस्यहरूमा राजकुमार सापकोटा, रविन्द्र खड्का, डिल्ली कुमार न्यौपाने, नरेश कुमार अग्रवाल, शत्रुघन चौधरी निर्वाचित भएका छन् ।
प्रदेश संयोजकहरूमा बागमती प्रदेशमा धनपति पोखरेल, कोशी प्रदेशमा बालमणि बराल निर्वाचित भएका छन् ।
४३ जिल्लामा उत्पादन हुने अलैँचीको मुख्य कार्यालय झापाको बिर्तामोडमा रहेका छ भने १६ जिल्लामा समिति रहेको छ ।
अधिवेशनमा केन्द्रिय प्रतिनिधि १५१ जना र जिल्लाबाट ५ जनाका दरले प्रतिनिधि ८० जना गरी जम्मा २३१ जना प्रतिनिधि रहने व्यवस्था रहेको थियो ।
