चितवन, नारायणगढ–मुग्लिन सडकखण्डअन्तर्गत चितवनको गाईघाट क्षेत्रमा आज (शनिबार) बिहान सातवटा सवारीसाधन आपसमा ठोकिएका छन्।
प्रहरीका अनुसार बिहान करिब ७ बजे एकैपटक सातवटा गाडी एकअर्कासँग ठक्कर खाएका हुन्।
प्रत्यक्षदर्शीका अनुसार एक ट्रकले अचानक ब्रेक लगाउँदा पछाडिबाट आइरहेका अन्य सवारीसाधन एकपछि अर्को ठोकिँदा शृंखलाबद्ध दुर्घटना भएको हो।
ठोकिएका सवारीसाधनमा ट्रक, बस, माइक्रोबस र केही निजी कार छन्।
दुर्घटनालगत्तै मुग्लिनस्थित इलाका प्रहरी कार्यालयको टोली पुगेर उद्धार शुरु गरेको प्रहरीले जनाएको छ।
केही यात्रु सामान्य रूपमा घाइते भएको प्रारम्भिक जानकारी प्राप्त भएको छ ।
तर, विस्तृत र एकिन जानकारी प्राप्त हुन बाँकी रहेको र बुझ्ने क्रम चलिरहेको प्रहरीले बताएको छ।
घाइतेहरूको उद्धार जारी छ भने घटनाबारे थप अनुसन्धान भइरहेको प्रहरीले जानकारी दिएको छ।
