रामेछापको सुनापति गाउँपालिकाले व्यवसाय दर्ता तथा नवीकरण गरेर मात्र सञ्चालन गर्न निर्देशनयुक्त चेतावनी दिएको छ । कतिपयले बिना दर्ता व्यवसाय गरेको पाइएपछि गाउँपालिकाले यस्तो निर्देशन दिएको हो ।
कानूनबमोजिम अनिवार्य रुपमा दर्ता भई व्यवसाय सञ्चालन गर्न पालिकाको आग्रह छ । भनिएको छ, ‘यस गाउँपालिकाको आर्थिक ऐन, २०८२ ले निर्धारण गरेको राजस्व दाखिला गरी आफ्नो व्यवसाय दर्ता, नवीकरण गर्नुहुन जानकारी गराइन्छ ।’ अन्यथा, कारबाही गर्ने गाउँपालिकाको चेतावनी छ ।
