कित्तागत विवरणमा गुनासो भए निवेदन दिन सुनापति गाउँपालिकाको आग्रह

रामेछापको सुनापति गाउँपालिकाले जग्गाको कित्तागत विवरण सार्वजनिक गर्दै गुनासो भएमा निवेदन दिन आग्रह गरेको छ । विवरणमा कुनै परिवर्तन गर्नुपर्ने भएमा निवेदन पेश गर्न आग्रह गरिएको हो ।

पालिकाभित्रका जग्गाका कित्तालाई कित्तागत रुपमा वर्गीकरण गरी भूउपयोग कार्यक्रम कार्यान्वयन निर्देशिका, २०७१ बमोजिम सर्वसाधारणको जानकारीका लागि गाउँपालिकाको वेबसाइट र वडा कार्यालयको सूचनापाटीमा राखिएको छ ।

सो अभिलेखमा कुनै परिवर्तन गर्नुपर्ने भएमा नेपाली नागरिकताको प्रतिलिपि, जग्गाधनी प्रमाणपत्रको प्रतिलिपि, भूमिकर–मालपोत र सम्पत्ति कर तिरेको रसिदसहित सम्बन्धित वडा कार्यालयमा ३५ दिनभित्र निवेदन पेश गर्न भनिएको छ ।