नेपाल आयल निगमले फेरि पेट्रोलियम पदार्थको मूल्य बढाएको छ । गएराति १२ बजे पछिदेखि लागू हुने गरी पेट्रोल, डिजेल, मट्टीतेल, खाना पकाउने ग्यास र हवाई इन्धनको मूल्य बढाएकाे हाे ।
निगमले पेट्रोल प्रतिलिटर १७ रुपैयाँ र डिजेल तथा मट्टीतेल प्रतिलिटर २५/२५ रुपैयाँका दरले बढाएको छ । त्यसैगरि एलपी ग्यास प्रतिसिलिन्डर १०० रुपैयाँ बढाएको छ भने आन्तरिक हवाई इन्धनमा पनि प्रतिलिटर ६ रुपैयाँ वृद्धि गरिएको छ ।
आजदेखि काठमाडौं उपत्यकामा पेट्रोल २ सय १९, डिजेल र मट्टीतेल २ सय ७ रुपैयाँ प्रतिलिटर तथा ग्यास २ हजार १० रुपैयाँ प्रतिसिलिण्डर पुगेको छ । हवाई इन्धन (आन्तरिक) को मूल्य २ सय ५७ रुपैयाँ तोकिएको छ ।
पेट्रोलियम पदार्थको मूल्य बढेएपछि बजारमा उपभोग्य सामाग्री र सेवा थप महँगो हुने निश्चित देखिएकाे छ ।
