अछाममा गएराति जिप दुर्घटना हुँदा दुईजनाको मृत्यु हुनुका साथै तीनजना घाइते भएका छन् । अछामकाे पञ्चदेवल बिनायक नगरपालिका–४, थापामोडस्थित मध्यपहाडी राजमार्गमा जिप दुर्घटना भएकाे हाे ।
दार्चुलाबाट जुम्ला तर्फ जाँदै गरेको, सत्लोक आश्रम, जनकपुरको बा.प्र ०१–०२७ च २२७७ नम्बरको जिप सडकबाट करिब २०० मिटर तल खसेर दुर्घटना भएकाे प्रहरीले जनाएकाे छ । अछाम प्रहरी प्रमुख प्रहरी नायब उपरीक्षक ओमप्रकाश खनालका अनुसार दुर्घटनामा घाइते भएका उनिहरुकाे उपचारका क्रममा मृत्यु भएकाे बताइएकाे छ ।
दुर्घटनामा परि मृत्यु हुनेमा मकवानपुरकाे हेटौंडा उपमहानगरपालिकाका ४१ वर्षीय को नवीन तुलाधर र बर्दिया बाँसघारी नगरपालिका–५, का ४५ वर्षीय रामप्रकाश थारू रहेका छन् । दुवैकाे उपचारकाे क्रममा प्रादेशिक अस्पताल सुर्खेतमा मृत्यु भएको हो ।
अन्य घाइतेहरुमा सिराहा कल्याणपुर नगरपालिका–१०, का २७ वर्षीय सन्तकुमार साह, स्याङ्जा फेदीखोला गाउपालिका–४,का अर्जुनकुमार पौडेल र जिप चालक नेपालगञ्ज उपमहागरपालिका–५, का २८ वर्षीय राज राजेन्द्र भिमराज चट्टान गुप्ता रहेका छन भने उनिहरुकाे उपचार भइरहेकाे छ ।
