नेपाल प्रिमियर लिग (एनपीएल) काे तेस्रो संस्करण अन्तर्गत आज कुनै पनि खेल नहुने भएकाे छ । आज खेल तालिकामै विश्राम दिइएकाले कुनै पनि खेल नहुने भएकाे हाे ।
भोलि कातिक १४ गते शनिबार भने दुईवटा खेल हुने खेल तालिका रहेकाे छ । त्रिवि क्रिकेट मैदान कीर्तिपुरमा भोलि दिउँसो साढे १२ बजे हुने पहिलो खेलमा लुम्बिनी लायन्स र चितवन राइनोजले प्रतिस्पर्धा गर्नेछन् ।
त्यसैगरि दोस्रो खेलमा सुदूरपश्चिम रोयल्स र विराटनगर किंग्सबीच प्रतिस्पर्धा हुनेछ । यी दुई टोलीबीचको खेल साँझ ५ बजे सुरु हुनेछ । यसअघि हिजाे बिहिबार साँझ भएको खेलमा कर्णाली याक्सले विराटनगरविरुद्ध रोमाञ्चक जित निकालेको थियो ।
त्यससँगै कर्णाली याक्स लगातर दोस्रो खेल जितेर अंक तालिकाको शीर्ष स्थानमा उक्लिएको छ । हिजो नै भएको पहिलो खेलमा जनकपुर बोल्ट्सले काठमाडौं गोर्खाजलाई पराजित गरेको थियो ।
