काठमाण्डू, नेपाली काङ्रेस वागमती प्रदेशका सभापति ईन्द्रबहादुर बानियाँले संविधान संसोधनका लागि प्रमुख ठूला दुइ दल मिलेर सरकार बनाएको बताएका छन् ।
शनिवार काठमाण्डूको नयाँ वानेश्वरमा आयोजित वागमती प्रदेश भौतिक पूर्वाधार , निर्माण तथा यातायात बिभागको सदस्य मनोनित कार्यक्रमलाई संवोधन गर्दै सभापति बानियाँले प्रत्यक्ष निर्वचनमा नै समानुपातिक समाबेसिताको सुनिश्चिततका लागि संविधान संसोधन आवश्यक रहेको बताएका हुन् ।
उनले मुलुकको समृद्दि र बर्तमान ब्यावस्था जोगाउनका लागि प्रमुख दुइ ठूला दल मिलेर सरकार बनाएकाले यो सरकारलाई असफल हुने छुट नभएको जिकिर गरे ।
प्रदेशसभा सदस्य समेत रहेका सभापति बानियाँले सबै आन्तरिक विवाद छाटेर पाटी बनाउन लाग्नु पर्नेमा जोड दिए ।
एकले अर्कोलाई दोस लगाउन छाडेमा काँग्रेसलाई कसैले हराउन नसक्ने भन्दै सभापति बानियाँले माओवादी, राजा र राणासम्मलाई मिलाएर देश र जनताको हितमा काम गरेको काँग्रेसलाई हराउने भनेको आन्तरिक मनमोटाव नै भएको बताए ।
राजनीतिक दल धेरै भएकोले संविधान संसोधन गरेर आगामी निर्वाचनमा थ्रेस होल्डलाई बढाएर पाँच प्रतिशत बनाउन पर्नेमा सभापति बानियाँको जोड थियो ।
उनले काङ्रेसले कसैलाई काखा र पाखा नर्गने भएकोले इमान्दार भएर पार्टी निर्माणमा लाग्न बिभागका मनोनित सदस्यलाई आग्रह गरे ।
काँग्रेसको आगामी नेतृत्वले दाग लाग्ने कुनै काम गर्न नहुने भन्दै सभापति बानियाँले अनियमितता गर्नेजो कोही कानून बमोजिम कारवाहीको भागिदार बन्नु पर्नेमा जोड दिए ।
निर्माण र रोजगारीसित जोडिएको बिभाग भएकालेले यातायात र पूर्वाधारमा गर्नु पर्ने कामको सुझाब यो बिभागले दिएमा सरकारलाई झकझकाउन सकिने सभापति बानियाँको भनाइ छ ।
कार्यक्रममा काँग्रेस वागमतीका नेता जगदिश्वर नरसिंह केसीले प्रधानमन्त्री केपी ओलीले सममति अनुसार नेतृत्व सहज हस्तान्तरण गर्नेमा शंका ब्यक्त गरे ।
उनले यो पटकको सहमति संसदमा रेकर्ड भएपनि सहज विश्वास गर्न सकिने बाताबरण भने नभएको बताए ।
संविधानसभा सदस्य समेत रहेका नेता केसीले बिभाग वागमती प्रदेशको पार्टीको मेरुदण्ड भएकोले बिभागमा रहेका सबै सदस्यले संगठन प्रति बफादार भएर लाग्न आग्रह गरे ।
पार्टीले दिएको जिम्मेवारी निर्वाह गर्नु पर्नेमा जोड दिंदै नेता केसीले वागमतीमा काङ्रेस एक भएकोले पाटीैको हित र सङठन निर्माणमा लाग्नु पर्ने बताए ।
पार्टीमा कुनै गुट उपगुट नभएमा आगामी निर्वाचनमा काङ्रेसले अहिलेको भन्दा बीस सीट बढाउने नेता केसीको भनाइ थियो ।
वागमती प्रदेशका पूर्वमन्त्री कृश्णलाल भणेलले काँग्रेसले गरेका राम्रा कामको प्रचार हुन नसकेको बताए । उनले शिक्षा, स्वास्थ्य र पूर्वाधारमा काँग्रेसले गरेका कामको वस अन्य दलले लिनु पीडादायी भएको जिकिर गरे ।
वागमती प्रदेश भौतिक पूर्वाधार, निर्माण तथा यातायात बिभाग प्रमुख बिक्रम लामाले प्रदेशका अन्य विभाग भन्दा फरक, अब्बल बनाउने प्रतिबद्दता ब्यक्त गरे ।
उनले समितिले कतै सीर निहुराउने काम नगर्ने र काङ्रेसको संगठन निर्माणमा मेरुदण्ड बन्न सहयोग पुग्ने काम गर्ने बताए ।
कार्यक्रममा प्रमुख अतिथिले मनोनित सदस्यलाई प्रमाण पत्र र अन्य अतिथिलाई मायाको चिनो प्रदान गरेका थिए भने प्रमुख अतिथिलाई समितिका प्रमुख लामाले मायाको चिनो प्रदान गरेका थिए ।
समितिमा बिभिन्न क्षेत्रका २५ जनालाई सदस्यका रुपमा मनोनयन गर्रिको थियो ।
नेपाली कांग्रेस भौतिक पूर्वधार, निर्माण तथा यातयात विभाग
प्रमुख :- बिक्रम लामा ( नेपाली कांग्रेस बागमती प्रदेश सदस्य )
सदस्यहरू :-
१ ) चेत बहादुर तामाङ – काभ्रे
२) सन्तोष कुमार रोक्का – रामेछाप
- नेत्र मान प्रधान – मकवानपुर
- रामेश्वर पुडासैनी – नुवाकोट
- राज कुमार चौरेल – ललितपुर
- बिनु लक्ष्मी ताम्राकार – भक्तपुर
- खड्क प्रसाद सिवकोटी – दोलखा
- बिकास काजी श्रेष्ठ -सिन्धुपाल्चोल
- म्हेन्दो लामा – रामेछाप
- छिरिङ डोल्मा लामा – दोलखा
- चेतना थापा कार्की – धादिङ
- निर्मल लामा स्याङतान – काभ्रे
- कबिता भट्ट्राई – काठमाण्डौ
- हरी पनेरू – रसुवा
- पदम बहादुर भण्डारी-सिन्धुपाल्चोक
- अशोक कुमार तण्डुकार-काठमाण्डौ
- शिव कुमार खड्का – भक्तपुर
- बाबुराम प्रधानँग – काठमाण्डौ
- राज ढुँगाना – नुवाकोट
- दीपेन्द्र खरेल – काभ्रे
- कमल खत्री – भक्तपुर
- रमेश पौडेल – धादिङ
- राजन कार्की – चितवन
- निर्मल थापा – सिन्धुली
