काठमाण्डू, नेकपा माओवादी केन्द्रको अवरोधपछि आजको प्रतिनिधिसभाको बैठक ३० भदौसम्मको लागि स्थगित भएको छ ।
सभामुख देवराज घिमिरेले १२ भदौमा नेकपा एमालेका सांसद योगेश भट्टराईले बोलेको हिंसा शब्द रेकर्डबाट नहटाउने निर्णय गरेपछि नेकपा माओवादी केन्द्रले संसद अवरोध गरेको हो ।
बुधबार सभामुख घिमिरेले एमाले सांसद भट्टराईले प्रयोग गरेको हिंसा भन्ने शब्द असंसदीय नभएकाले रेकर्डबाट हटाउन नपर्ने निर्णय सुनाएका थिए ।
त्यस लगत्तै माओवादी सांसदहरूले अवरोध गरेका हुन् । संसदमै एमाले(माओवादीबीच चर्काचर्कीसमेत भएको छ ।
‘हिंसा’ शब्द असंसदीय नभएको रुलिङ सभामुख देवराज घिमिरेले बुधबारको प्रतिनिधिसभा बैठकमा गरेपछि माओवादी केन्द्रले आपत्ति जनाएको हो ।
सभामुखको रुलिङपछि माओवादी प्रमुख सचेतक हितराज पाण्डेले नियमापत्ति जनाउँदै संविधानले नै स्वीकारेको जनयुद्धलाई यसले अपमान गरेको बताएका हुन् ।
‘हाम्रो देशको मूल कानुन संविधान हो । संविधानमै जनयुद्ध र जनआन्दोलनको ब्याख्या गरिएको छ।
संविधानको प्रस्तावनामै उक्त ब्याख्या छ’, उनले भने, ‘संसद्मा जनयुद्धलाई हिंसा भनेर जुन कुरा आएको छ, त्यसलाई संविधान र कानुनविपरीत छ भनेका छौँ ।
के अब संविधानभन्दा यहाँ प्रयोग हुने शब्द फरक हुनुपर्ने हो रु’
पाण्डेले सचिवालयलाई कानुन र संविधान हेरेर आफ्ना विषय अघि बढाउन पनि आग्रह गरे ।
माओवादी जनयुद्धबारे जसरी संविधानमा शान्ति प्रक्रियामा उठेको छ। नियतको विषयबस्तु छ ।
जनयुद्ध र जनमुक्ति सेनालाई होच्याउने गरी अपमान गर्ने गरी बोलिएको थियो’, उनले भने, ‘भदौ १२ गते उक्त कुरा उठेपछि १३ गते हुँदै अहिलेसम्म मैले भनिरहेको छु ।
अहिले आएर यो शब्दबारे जुन किसिमको ब्याख्या आएको छ यो बेठीक भएको छ । यो संविधान शान्तिप्रक्रिया र कानुनविपरीत हुन्छ।’
उता माओवादी सांसद देवेन्द्र पौडेलले पनि ‘हिंसा’ शब्दलाई लिएर देशको शान्ति प्रक्रिया भड्काउने कोसिस भएको बताएका छन् ।
यसै विषयमा संसदमा तनाव उत्पन्न भएपिछ प्रतिनिधिसभा बैठक स्थगित भएको हो ।
