विराटनगर, मानव तस्करीको आरोपमा पक्राउ परेका कोशी प्रदेशका पूर्वमन्त्री लिलाबल्लभ अधिकारीमाथि मुद्दा नचलाइने भएको छ ।
जिल्ला सरकारी वकिल कार्यालय काठमाडौंले पर्याप्त आधार र प्रमाण नदेखिएको जनाउँदै अधिकारीविरुद्ध मुद्दा नचलाउने निर्णय गरेको जिल्ला सरकारी वकिल कार्यालयका प्रवक्ता सीताराम रिजालले जानकारी दिए ।
उनका अनुसार अन्य आरोपी ११ जनाविरुद्ध भने मुद्दा दर्ता भएको छ ।
जापानबाट नेपाल प्रहरीका डीआईजी चन्द्रकुवेर खापुङ र राजन अधिकारीलाई पठाएको म्यासेज, आफैंले अध्यागमनलाई जानकारी गराएको, विमानस्थलको सिसी टिभी फुटेजमा अन्य आरोपीसँग नदेखिएको, इन्कारी बयान दिएकोलगायतलाई आधार मानेर अधिकारीमाथि मुद्दा नचलाउने निर्णय भएको जनाइएको छ ।
