काठमाण्डू, कीर्तिपुर नगरपालिकाको प्रमुखमा नेपाली कांग्रेसले अग्रता कायमै राखेको छ ।
अघिल्लोपटक जितेको ठाउँमा कांग्रेसले सुरुवातीदेखि नै अग्रता कायम राखेको हो ।
जारी मतगणनामा कांग्रेसका कृष्णमान डंगोल ७८९, नेकपा (एमाले)का सुरेन्द्र मानन्धरले ६६६, नेकपा (माओवादी केन्द्र) का शिवशरण महर्जनले ४६५ मत प्राप्त गरेका छन् ।
यसअघि आइतबार राति एमाले तेस्रोमा र माओवादी केन्द्र दोस्रोमा थिए । सोमबार बिहान एमालेले माओवादी केन्द्रलाई उछिनेको छ ।
स्वतन्त्र उम्मेदवार राजमान महर्जन ‘मानव’ले ४१८ र दिनेशकुमार अधिकारले २३६ मत प्राप्त गरेका छन् ।
अघिल्लोपटक कीर्तिपुरको मेयरमा कांग्रेसका राजकुमार नकर्मीले जितेका थिए ।
कीर्तिपुर नगरपालिका १ मा कांग्रेस विजयी भएको छ । यसअघि एमालेले जितेको कीर्तिपुर १ मा कांग्रेसका इच्छाकुमार महर्जन ५६२ मत ल्याएर विजयी भएका छन् ।
एमालेका हर्ष महर्जनले ४१८ मत ल्याए । माओवादी केन्द्रका सरलगोपाल महर्जनको १७३ मत मात्र आयो ।
