नेपालगन्ज, बाँकेमा बस र मोटरसाइकल आपसमा ठोक्किँदा दुई जनाको मृत्यु भएको छ। दुर्घटनामा मोटरसाइकलमा सवार दुई जनाको मृत्यु भएको जिल्ला ट्राफिक प्रहरी कार्यालयले जानकारी दिएको हो।
मंगलबार साँझ राप्तीसोनारी-७ फत्तेपुर सर्रामा नरैनापुरबाट नेपालगञ्ज जाँदै गरेको भे १ ख ३७७४ नम्बरको बस र फत्तेपुरबाट नेपालगञ्जतिर आइरहेको भे६प ८८३६ नम्बरको मोटरसाइकल आपसमा ठोक्किएका हुन्।
दुर्घटनामा गम्भीर घाइते भएका मोटरसाइकल चालक राप्तीसोनारी-७ फत्तेपुर सर्राका २७ वर्षीय दिलबहादुर थारू र पछाडि सवार २३ वर्षीय राजेश थारूको उपचारका क्रममा नेपालगञ्जमा मृत्यु भएको प्रहरीले जनाएको हो।
प्रहरीका अनुसार दुर्घटनालगत्तै बस चालक फरार भएका थिए। तीव्र गतिका कारण दुर्घटना भएको प्रहरीको अनुमान छ।
