धनगढी, मध्यपश्चिम विश्वविद्यालयमा परीक्षा चल्दाचल्दै स्थगित भएको छ।
‘ग्राजुएट स्कुल अफ ह्युमानिटिज एण्ड सोसल साइन्स’अन्तर्गत स्नातक तह प्रथम र सातौं समेष्टरको मध्यवर्ती (मिड टर्म) परीक्षा आइतबार बिहान चल्दाचल्दै अकास्मात् स्थगित भएको हो।
विश्वविद्यालयले परीक्षा स्थगित गरेपछि विद्यार्थीहरूले लेख्दा लेख्दैको उत्तरपुस्तिका छाडेर हिँड्नुपरेको छ।
विश्वविद्यालको एक जना विभागीय प्रमुखले स्ववियु चुनाव बिथोलिने भनेर निर्वाचन समितिले पत्र पठाएपछि शनिबार रातारात केन्द्रीय विभागीय प्रमुखहरूको बैठक बसेर आइतबारदेखि हुने भनिएको परीक्षा स्थगित गर्ने निर्णय भएको बताए।
चैत ३ गते बिहान ७ बजेदेखि परीक्षा सञ्चालन गर्ने सूचना फागुन २५ गते नै प्रकाशित भएको र त्यहीअनुसार परीक्षा सञ्चालन गरिएको उनले बताए।
ुत्यो निर्णय गरिएको बैठकमा सबै विभागीय प्रमुखहरू सहभागी थिएनन्।
रातारातको निर्णयबारे सबै विद्यार्थी र विभागीय प्रमुखहरूलाई थाहा हुने कुरा पनि भएन। बिहान परीक्षा चलिरहेकै बेलामा उहाँहरू स्थगित भएको सूचना दिएर परीक्षा भनिएको रहेछ, उनले भने।
ती विभागीय प्रमुखका अनुसार बिहान सवा ६ बजे निर्वाचन समितिका संयोजक दिपेन्द्र थापाले परीक्षा स्थगित भएको चिठी थमाएको बताए।
उनका अनुसार त्यतिबेलासम्म परीक्षार्थीले उत्तरपुस्तिका लेख्न थालिसकेका थिए।
ुनिर्वाचन समितिलाई सहयोग गर्नुपर्यो भनेपछि रोकिएको हो। यो विभागले गरेर रोकिएको होइन,ु उनले भने। मिड टर्म परीक्षा भए पनि यसबाट २० प्रतिशत अंक जोडिने उनले बताए।
सो विश्वविद्यालयमा चैत १८ गते स्ववियु निर्वाचन हुँदैछ। निर्वाचन कार्यतालिका चैत १ गते प्रकाशन भएको थियो।
निर्वाचन समितिका संयोजक थापाले स्ववियु चुनावको कार्यक्रम चैत १ गतेमात्रै सार्वजनिक भएका कारण २ गतेमात्रै निर्वाचन समितिको बैठक बसेर परीक्षा स्थगित गर्ने निर्णय गरिएको बताए।
ुस्ववियु चुनावमा आचारसंहिताको कुरा आउँछ। त्यसकारण परीक्षा रोकौं भनेर हामीले विभागीय प्रमुखहरूलाई अनुरोध मात्रै गरेका हौंं, उनले भने।
