काठमाण्डू, नेपाल क्रिकेट संघ (क्यान) ले हङकङमा हुने चारदेशीय टी–२० आई सिरिजका लागि रोहित पौडेलको कप्तानीमा नेपाली क्रिकेट टोली घोषणा गरेको छ ।
हङकङमा अप्रिल ९ देखि १३ सम्म सञ्चालन हुनेटी–२० आई सिरिजका लागि क्यानले पौडेलको कप्तानीमा सिरिज खेल्ने १४ सदस्यीय नेपाली टोलीको घोषणा गरेको हो ।
नेपालले पहिलो खेल अप्रिल ९ मा कतार, अप्रिल १० मा कुवेत र अप्रिल १२ मा हङकङसँग खेल्नेछ । अप्रिल १३ मा फाइनल हुनेछ ।
टोलीमा लोकेश बम, बसिर अहमद, नन्दन यादव र शाहव आलम पनि समेटिएका छन् ।
यस्तै आसिफ शेख, कुशल भुर्तेल, दीपेन्द्रसिंह ऐरी, कुशल मल्ल, ललित राजवंशी, सोमपाल कामी, करण केसी, रिज ढकाल र गुल्शन झा टिममा परेका छन्।
सन्दीप लामिछाने, अनिलकुमार शाह, आरिफ शेख जस्ता खेलाडीले भने यो सिरिज गुमाउने भएका छन् ।
